赤提日常開支

jenjenny

DenWenMa 發表於 24-3-16 12:01
見過唔少級頭 (起碼係小學及初中階段)，真係唔需要補，甚至唔洗死讀爛讀，天生就係叻仔叻女。當然有人會話 ...

認同，我認識嘅大部份小學級頭都係唔使點補習，就算要都係一科起兩科止，要死補難補的都多數係級中級尾。反而，級頭多數都係父母教，長期級一那些另計，一係就係gifted，另一係非常自律對自己要求好高的小朋友

Rpp

liverpool2023 發表於 24-3-16 17:13
其實係N班開補了

一個是國際學校想學廣東話

N班開補，都唔知補乜？我哋真係起跑線落後幾佰條街過人。

RainyRice

其實在幼稚園K1K2年紀，要考到名校的學術真係唔識教，出去補中文、數學真係容易過父母教好多。父母便可以主力啟發孩子思考，增強閱讀，擴闊小朋友眼界，教common sense基本知識。

mimwing

RainyRice 發表於 24-3-16 17:41
其實在幼稚園K1K2年紀，要考到名校的學術真係唔識教，出去補中文、數學真係容易過父母教好多。父母便可以主 ...

我就只係跟下數學，英文靠曬學校，阿女懶洋洋又俾佢入到b1b 中學。。
好多根本係天生，
天生學野記憶能力高，
才是贏家

RainyRice

mimwing 發表於 24-3-16 18:50
我就只係跟下數學，英文靠曬學校，阿女懶洋洋又俾佢入到b1b 中學。。
好多根本係天生，
天生學野記憶能力高 ...

你和你小朋友都好叻我大嗰個我都完全冇理，文盲咁入小學，追中文追得好痛苦，好在現在高小勉強跟得返。我都覺得有啲嘢係天生，亦都希望佢開竅自律些。小朋友快上中學，我都唔敢好似之前考幼/小咁懶，要上嚟取經。

LeeCC

mimwing 發表於 24-3-16 18:50
我就只係跟下數學，英文靠曬學校，阿女懶洋洋又俾佢入到b1b 中學。。
好多根本係天生，
天生學野記憶能力高 ...

還有專注力高，都是贏家

Rpp

liverpool2023 發表於 24-3-16 17:36
本帖最後由 liverpool2023 於 24-3-16 17:37 編輯

其實所謂補習，做既野就係媽媽同小朋友做既事，講故 ...

你以上所講的有玩，最多就係拼圖遊戲，100塊拼圖半小時至40分鐘可以拼咗出來，因為好勝所以專注力好夠，做野快手快腳，因為我會賞叻叻，鐘意睇漫畫書，見到圖畫佢哋會講故事畀我聽，自己好攰扮聽緊，又鐘意扮老師，認到好多字，但唔識寫。N班之前玩過最多就咁。

cafeva

Rpp 發表於 24-3-17 00:30
你以上所講的有玩，最多就係拼圖遊戲，100塊拼圖半小時至40分鐘可以拼咗出來，因為好勝所以專注力好夠，做 ...

好利害做咁多嘢!我地N班前日日去公園玩乜都無做

pumpkinfly

cafeva 發表於 24-3-17 09:06
好利害做咁多嘢!我地N班前日日去公園玩乜都無做

其實我覺得日日帶去公園玩，才是教育正路嘅做法 其實比花錢讓細路學乜學密，然後工人姐姐喺門口玩手機等落堂難得多了

LeeCC

liverpool2023 發表於 24-3-17 09:06
專注力是天生
但有沒有發現，每個人也有他可以專注的時候？有人是計數的時候，有人是看書的時候。
我認為 ...

無錯，有人專注力在計數，閱讀，寫作，這些小朋友天生讀書材料，香港教育制度下的大贏家

有人專注力在畫畫，音樂，運動，要佢地閱讀寫字計數就雲遊太空，這些小朋友在香港教育制度下就變成失敗者

mcl233

pumpkinfly 發表於 24-3-17 09:54
其實我覺得日日帶去公園玩，才是教育正路嘅做法 其實比花錢讓細路學乜學密，然後工人姐姐喺門口玩手 ...

工人姐姐去公園會一齊玩，唔會玩手機？～

pumpkinfly

mcl233 發表於 24-3-17 10:07
工人姐姐去公園會一齊玩，唔會玩手機？～

仲以為工人姐姐在戶外會睇住細路，睇少陣手機添。。。。  我女讀k前請過一位姨姨照顧，個時手機相對冇咁好玩，佢亦因年紀略大都唔玩電子嘢，真係成日帶小朋友去公園，唸番係我幸運

bettyay

mcl233 發表於 24-3-17 10:07
工人姐姐去公園會一齊玩，唔會玩手機？～

路過！我見唔少父母自己陪小朋友去公園玩，但自己都係玩手機啦⋯⋯
利申：我啲孩子細個時，真係陪佢哋一齊又上又落一齊玩！仲擔心過一齊sir啲桶型滑梯，自己會唔會click咗係入面